विनायकाष्टकम्
भगवान विनायक गणपति की कृपा
प्राप्ति और सभी अभीष्ट सिद्धि के लिए विनायकाष्टकम् का नित्य पाठ या श्रवण करें ।
विनायकाष्टकम् 1
एकदन्तमीशपुत्रमाखुवाहमीश्वरं
विघ्नसङ्घध्वान्तसूर्यमन्तरायनायकम् ।
अच्युताद्यशेषदेवपूजिताङ्घ्रिपङ्कजं
विघ्नशैलवज्रिणं विनायकं नमाम्यहम् ॥ १॥
कामरूपधारिणं नागयज्ञसूत्रिणं
कुङ्कुमोत्थकायकान्तिशोभितं वराननम् ।
काञ्चनाभिभास्वरं च वासवादिवन्दितं
विघ्नशैलवज्रिणं विनायकं नमाम्यहम् ॥ २॥
नन्दिवाहनन्दने सुरेन्द्रनाथवन्दितं
नन्दिभृङ्गिनन्दनाथनारदादिनृत्यकम् ।
नन्दगोपनागराजपूर्वकैर्नमस्कृतं
विघ्नशैलवज्रिणं विनायकं नमाम्यहम् ॥ ३॥
सर्पवेष्टितोदरं च सर्पमालधारिणं
शङ्करादिपूजितं शिवात्मजं सुखात्मकम् ।
सावधानताकरं सरस्वतीप्रदायकं
विघ्नशैलवज्रिणं विनायकं नमाम्यहम् ॥ ४॥
विघ्नमत्तनागसिंहमुग्रनेत्रनासिकं
विघ्नमेघजालनाशकारिचण्डमारुतम् ।
विघ्नदाववह्निवारिवारिवारिवाहकं
विघ्नशैलवज्रिणं विनायकं नमाम्यहम् ॥ ५॥
विघ्नसिन्धुवाडवाग्निमिन्दुखण्डमण्डितं
विघ्नगोपमष्टसिद्धियुक्तभक्तसेवितम् ।
शूर्पकर्णवक्रतुण्डकुम्भगण्डशोभितं
विघ्नशैलवज्रिणं विनायकं नमाम्यहम् ॥ ६॥
दक्षयक्षपक्षिमुख्यरक्षिताङ्घियुग्मकं
भुक्तिमुक्तियुक्तिशान्तियुक्तपूजितं विभुम्
।
देवदेववंशवृद्धिसिद्धिसाधकं मुदा
विघ्नशैलवज्रिणं विनायकं नमाम्यहम् ॥ ७॥
देवदैत्ययोगिसिद्धचारणाभिसेवितं
सर्पखेटभूजभूतसङ्घसाधुवेष्टितम् ।
ईप्सितार्थदायकं विशेषकर्मकारकं
विघ्नशैलवज्रिणं विनायकं नमाम्यहम् ॥ ८॥
श्रीविनायकाष्टकं हि शङ्करेण
निर्मितं
शङ्करस्य सौख्यदं भक्तविघ्ननाशकम् ।
ये पठन्ति सादरं समस्तसिद्धिदं
स्तवं
ते त्वभीष्टसिद्धिपात्रभावमाप्नुवन्ति शम् ॥
९॥
इति विनायकाष्टकं सम्पूर्णम् ।
श्रीविनायकाष्टकम् २
नमद्देववृन्दं लसद्वेदकन्दं
शिरःश्रीमदिन्दुं श्रितश्रीमुकुन्दम् ।
बृहच्चारुतुन्दं स्तुतश्रीसनन्दं
जटाहीन्द्रकुन्दं भजेऽभीष्टसन्दम् ॥ १॥
किलद्देवगोत्रं कनद्धेमगात्रं
सदानन्दमात्रं महाभक्तमित्रम् ।
शरच्चन्द्रवक्त्रं त्रयीपूतपात्रं
समस्तार्त्तिदात्रं भजे शक्तिपुत्रम् ॥ २॥
गलद्दानमालं चलद्भोगिमालं
गलाम्भोदकालं सदा दानशीलम् ।
सुरारातिकालं महेशात्मबालं
लसत्पुण्ड्रफालं भजे लोकमूलम् ॥ ३॥
उरस्तारहारं शरच्चन्द्रहीरं सुरश्रीविचारं
हृतार्त्तारिभारम् ।
कटे दानपूरं जटाभोगिपूरं
कलाबिन्दुतारं भजे शैववीरम् ॥ ४॥
करारूढमोक्षं विपद्भङ्गदक्षं
चलत्सारसाक्षं पराशक्तिपक्षम् ।
श्रितामर्त्यवृक्षं सुरारिद्रुतक्षं
परानन्दपक्षं भजे श्रीशिवाक्षम् ॥ ५॥
सदाशं सुरेशं सदा पातुमीशं
निदानोद्भवं शाङ्करप्रेमकोशम् ।
धृतश्रीनिशेशं लसद्दन्तकोशं
चलच्छूलपाशं भजे कृत्तपाशम् ॥ ६॥
ततानेकसन्तं सदा दानवन्तं
बुधश्रीकरन्तं गजास्यं विभान्तम् ।
करात्मीयदन्तं त्रिलोककैकवृन्तं
सुमन्दं परन्तं भजेऽहं भवन्तम् ॥ ७॥
शिवप्रेमपिण्डं परं स्वर्णवर्णं
लसद्दन्तखण्डं सदानन्दपूर्णम् ।
विवर्णप्रभास्यं धृतस्वर्णभाण्डं
चलच्चारुशुण्डं भजे दन्तितुण्डम् ॥ ८॥
इति श्रीनारायणगुरुविरचितं श्रीविनायकाष्टकम् सम्पूर्णम् ।
Post a Comment