चन्द्राष्टोत्तरशतनामस्तोत्रम्
इससे पूर्व आपने चन्द्र ग्रह के
अनुकूलता के लिए चन्द्र के १०८ नामों का पठन किया और अब पुनः पाठकों के लाभार्थ क
एक अन्य चन्द्राष्टोत्तरशतनामस्तोत्रम् का पठन करेंगे।
चन्द्राष्टोत्तरशतनामस्तोत्रम् २
अथ श्रीचन्द्राष्टोत्तरशतनामस्तोत्रम्
।
अथ वक्ष्ये शशिस्तोत्रं तच्छृणुष्व
मुदान्वितः ॥ १॥
चन्द्रोऽमृतमयः श्वेतो
विधुर्विमलरूपवान् ।
विशालमण्डलः श्रीमान् पीयूषकिरणः
करी ॥ २॥
द्विजराजः शशधरः शशी शिवशिरोगृहः ।
क्षीराब्धितनयो दिव्यो
महात्माऽमृतवर्षणः ॥ ३॥
रात्रिनाथो ध्वान्तहर्ता निर्मलो
लोकलोचनः ।
चक्षुराह्लादजनकस्तारापतिरखण्डितः ॥
४॥
षोडशात्मा कलानाथो मदनः कामवल्लभः ।
हंसःस्वामी क्षीणवृद्धो गौरः
सततसुन्दरः ॥ ५॥
मनोहरो देवभोग्यो
ब्रह्मकर्मविवर्धनः ।
वेदप्रियो वेदकर्मकर्ता हर्ता हरो
हरिः ॥ ६॥
ऊर्द्ध्ववासी निशानाथः श्रृङ्गारभावकर्षणः
।
मुक्तिद्वारं शिवात्मा च तिथिकर्ता
कलानिधिः ॥ ७॥
ओषधीपतिरब्जश्च सोमो जैवातृकः शुचिः
।
मृगाङ्को ग्लौः पुण्यनामा
चित्रकर्मा सुरार्चितः ॥ ८॥
रोहिणीशो बुधपिता आत्रेयः
पुण्यकीर्तकः ।
निरामयो मन्त्ररूपः सत्यो राजा
धनप्रदः ॥ ९॥
सौन्दर्यदायको दाता
राहुग्रासपराङ्मुखः ।
शरण्यः पार्वतीभालभूषणं भगवानपि ॥
१०॥
पुण्यारण्यप्रियः पूर्णः
पूर्णमण्डलमण्डितः ।
हास्यरूपो हास्यकर्ता शुद्धः
शुद्धस्वरूपकः॥ ११॥
शरत्कालपरिप्रीतः शारदः कुमुदप्रियः
।
द्युमणिर्दक्षजामाता यक्ष्मारिः
पापमोचनः ॥ १२॥
इन्दुः कलङ्कनाशी च
सूर्यसङ्गमपण्डितः ।
सूर्योद्भूतः सूर्यगतः
सूर्यप्रियपरःपरः ॥ १३॥
स्निग्धरूपः प्रसन्नश्च
मुक्ताकर्पूरसुन्दरः ।
जगदाह्लादसन्दर्शो ज्योतिः
शास्त्रप्रमाणकः ॥ १४ ॥
सूर्याभावदुःखहर्ता वनस्पतिगतः कृती
।
यज्ञरूपो यज्ञभागी वैद्यो
विद्याविशारदः ॥ १५॥
रश्मिकोटिर्दीप्तिकारी गौरभानुरिति
द्विज ।
नाम्नामष्टोत्तरशतं चन्द्रस्य
पापनाशनम् ॥ १६॥
चन्द्रोदये पठेद्यस्तु स तु
सौन्दर्यवान् भवेत् ।
पौर्णमास्यां पठेदेतं स्तवं दिव्यं
विशेषतः ॥ १७॥
स्तवस्यास्य प्रसादेन त्रिसन्ध्यापठितस्य
च ।
सदाप्रसादास्तिष्ठन्ति ब्राह्मणाश्च
द्विजोत्तम ॥ १८॥
श्राद्धे चापि पठेदेतं स्तवं
पीयूषरूपिणम् ।
तत्तु श्राद्धमनन्तञ्च
कलानाथप्रसादतः ॥ १९॥
दुःस्वप्ननाशनं पुण्यं
दाहज्वरविनाशनम् ।
ब्राह्मणाद्याः पठेयुस्तु
स्त्रीशूद्राः श्रृणुयुस्तथा ॥ २०॥
इति बृहद्धर्मपुराणान्तर्गतं
श्रीचन्द्राष्टोत्तरशतनामस्तोत्रं सम्पूर्णम् ।
श्रीचन्द्राष्टोत्तरशतनामावलिः २
ॐचन्द्राय नमः । ॐअमृतमयाय नमः । ॐश्वेताय
नमः । ॐविधवे नमः । ॐविमलरूपवते नमः ।
ॐविशालमण्डलाय नमः ।ॐ श्रीमते नमः ।
ॐपीयूषकिरणकारिणे नमः । ॐद्विजराजाय नमः ।
ॐशशधराय नमः । ॐशशिने नमः । ॐशिवशिरोगृहाय
नमः । ॐक्षीराब्धितनयाय नमः ।
ॐदिव्याय नमः ।ॐ महात्मने नमः । ॐअमृतवर्षणाय
नमः । ॐरात्रिनाथाय नमः ।ॐ ध्वान्तहर्त्रे नमः ।
ॐनिर्मलाय नमः ।ॐ लोकलोचनाय नमः। ॐचक्षुषे
नमः । ॐआह्लादजनकाय नमः । ॐतारापतये नमः ।
ॐअखण्डिताय नमः । ॐषोडशात्मने नमः ।ॐ
कलानाथाय नमः । ॐमदनाय नमः । ॐकामवल्लभाय नमः ।
ॐ हंसःस्वामिने नमः । ॐक्षीणवृद्धाय
नमः । ॐगौराय नमः । ॐसततसुन्दराय नमः । ॐमनोहराय नमः ।
ॐदेवभोग्याय नमः । ॐब्रह्मकर्मविवर्धनाय
नमः । ॐवेदप्रियाय नमः । ॐवेदकर्मकर्त्रे नमः । ॐहर्त्रे नमः ।
ॐहराय नमः । ॐहरये नमः। ॐऊर्द्ध्ववासिने
नमः । ॐनिशानाथाय नमः । ॐश्रृङ्गारभावकर्षणाय नमः ।
ॐमुक्तिद्वाराय नमः । ॐशिवात्मने नमः
। ॐतिथिकर्त्रे नमः ।ॐ कलानिधये नमः । ॐओषधीपतये नमः ।
ॐअब्जाय नमः । ॐसोमाय नमः । ॐजैवातृकाय
नमः ।ॐ शुचये नमः । ॐमृगाङ्काय नमः । ॐग्लावे नमः ।
ॐपुण्यनाम्ने नमः ।ॐ चित्रकर्मणे नमः
। ॐसुरार्चिताय नमः । ॐरोहिणीशाय नमः । ॐबुधपित्रे नमः ।
ॐआत्रेयाय नमः। ॐपुण्यकीर्तकाय नमः
। ॐनिरामयाय नमः । ॐमन्त्ररूपाय नमः । ॐसत्याय नमः ।
ॐ राजसे नमः । ॐधनप्रदाय नमः ।ॐ
सौन्दर्यदायकाय नमः । ॐदात्रे नमः ।ॐ राहुग्रासपराङ्मुखाय नमः ।
ॐशरण्याय नमः । ॐपार्वतीभालभूषणाय नमः
। ॐभगवते नमः ।ॐ पुण्याय नमः । ॐआरण्यप्रियाय नमः ।
ॐपूर्णाय नमः । ॐपूर्णमण्डलमण्डिताय
नमः । ॐहास्यरूपाय नमः । ॐहास्यकर्त्रे नमः । ॐशुद्धाय नमः ।
ॐशुद्धस्वरूपकाय नमः । ॐशरत्कालपरिप्रीताय
नमः । ॐशारदाय नमः । ॐकुमुदप्रियाय नमः ।
ॐद्युमणये नमः । ॐदक्षजामात्रे नमः
। ॐयक्ष्मारये नमः । ॐपापमोचनाय नमः ।ॐ इन्दवे नमः ।
ॐकलङ्कनाशिने नमः । ॐसूर्यसङ्गाय नमः
।ॐ पण्डिताय नमः । ॐसूर्योद्भूताय नमः ।ॐ सूर्यगताय नमः ।
ॐसूर्यप्रियपरःपराय नमः । ॐस्निग्धरूपाय
नमः ।ॐ प्रसन्नाय नमः । ॐमुक्ताकर्पूरसुन्दराय नमः ।
ॐजगदाह्लादसन्दर्शाय नमः । ॐज्योतिषे
नमः । ॐशास्त्रप्रमाणकाय नमः।
ॐसूर्याभावदुःखहर्त्रे नमः । ॐवनस्पतिगताय
नमः । ॐकृतिने नमः ।ॐ यज्ञरूपाय नमः ।
ॐयज्ञभागिने नमः । ॐवैद्याय नमः । ॐविद्याविशारदाय
नमः । ॐरश्मिकोटिदीप्तिकारिणे
नमः । ॐगौरभानुरिति द्विजसे नमः ॥
१०९॥
इति श्रीचन्द्राष्टोत्तरशतनामस्तोत्रं समाप्त ।
Post a Comment